Դուռն Փառիսոսի, Կարի Փառիսոսիա, Շիշկայա, Սադանախաչի լեռնանցք, Սատանի խաչի լեռնանցք, լեռնանցք Հայաստանի Գեղարքունիքի մարզի և Ադրբեջանի սահմանագլխին, Սևանի լեռնաշղթայում, Գեղամասար գյուղից 5 կմ հյուսիս-արևելք։ Այստեղով անցնում է Սևանի ավազանը Շամքոր գետի հովտին կապող ճանապարհը։ Վարդենիս քաղաքից մոտ 20 կմ հյուսիս-արևելք։ Ծովի մակարդակից բարձր է 3125 մ։ Կոչված Է համանուն լեռնագագաթի անունով։ Հիշատակվում է վրացական աղբյուրներում՝ Կարի Փառիսոսիս ձևով։